РЕКТОР ТАБРИГИ

«Ипак йўли» халқаро туризм ва маданий мерос университети қошидаги «Ипак йўли» халқаро тадқиқот институти ўз фаолиятини 2024 йил март ойида Ўзбекистоннинг цивилизациялар тарихи ва Ипак йўли мамлакатларининг моддий маданий меросини ўрганиш, сақлаш ва оммалаштиришга ихтисослашган етакчи илмий-тадқиқот маркази сифатида бошлаган.

“Ипак йўли” ХТИ тадқиқотларининг асосий йўналишлари тарихий шаҳарлар архитектураси ва шаҳарсозлиги соҳасидаги назарий ва амалий ишланмалар, архитектура ёдгорликларини реставрация қилишнинг анъанавий тажрибаси ва замонавий муаммоларини ўрганиш, меъморчилик ва археология объектларини консервация қилиш шунингдек музейлаштиришдан иборат. Институтда тарихий диққатга сазовор жойларни ўрганиш, график реконструкция қилиш ва тиклашнинг замонавий инновацион усулларидан фойдаланилади.

Институт номдор ва ёш олимларининг юксак вазифалари Ипак йўли мамлакатлари, жумладан, қадимий ва ўрта аср цивилизацияларининг ўчоғларидан бири бўлган Ўзбекистоннинг тарихий шаҳарларининг анъанавий маданий бойлигини асраб-авайлаш ва кенг жамоага оммалаштиришдан иборат эканлигини фахр билан англайдилар.

Ҳурматли Институт ходимлари, “Ипак йўли” халқаро тадқиқот институти билан ҳамкорлик қилиб келаётган ва шериклик қилишга таклиф этилаётган хорижий ва маҳаллий экспертлар, тадқиқотчи ва олимлар! Сизнинг билим ва кўникмаларингиз, тажрибангиз ҳамда тадқиқотларга бўлган иштиёқингиз катта аҳамиятга эга бўлиб, аъло натижаларга эришишга имкон беради. Сизнинг тадқиқотларингиз Ўзбекистон ва Ипак йўлининг бошқа мамлакатлари маданий меросини абадийлаштиришга муҳим ҳисса қўшиши мумкин. Бу соҳадаги биргаликдаги саъй-ҳаракатларимиз янги ютуқларга ва юксак натижаларга олиб келади!

Ушбу эзгу ишдаги садоқатли иштирокингиз учун чин қалбимдан миннатдорчилик билдираман!

«Ипак йўли» халқаро туризм ва

маданий мерос университети ректори

 Абдухакимов Азиз Абдуқахорович